Det skal vera trygt og godt for barn og unge å veksa opp i Sveio kommune. Stundom oppstår likevel utfordringar og vanskar som gjer at ikkje alle har det så bra. Kva gjer du dersom du lurer på om eit barn eller ein ungdom treng hjelp?
I vår kommune finst det fleire å snakka med om bekymringar, tankar, følelsar og trivsel. Med andre ord skal du alltid finna nokon å snakke med om kva som helst, anten det gjeld deg sjølv, ein ven eller nokon i familien.
Om du har god kontakt med ein lærar kan han eller ho hjelpe deg direkte eller finna rett teneste til akkurat det du treng. Alle som arbeider med barn og unge i kommunen har teieplikt og må ha ditt samtykke for å involvere andre.
Les meir om dei ulike tenestene i vår kommune.
I vår kommune tek me alle bekymringar, små og store, som gjeld barn og unge like alvorleg. Om det er eit barn i familien din, vennekretsen eller i nabolaget er det godt å ha ein vaksen som ser situasjonen til barnet og bidreg til at barnet får den oppfølginga det skal ha. Du kan melde di bekymring til alle i kommunen som arbeider med barn. Det kan vere lærar/rektor, tilsett i barnehage, helsesøster, SLT-koordinator eller hendvend deg til kommunen ved offentleg servicekontor for ein kontaktperson over telefon. Les meir om Uro for barn og unge.
I kommunen jobbar me saman med barnet og familien for å sikra at grunnlaget for bekymringa vert handtert gjennom BTI – Betre Tverrfagleg Innsats som sikrar oppfølging og løysing.
Les meir om dei ulike tenestene i vår kommune. Telefonnummer til barnehagar og skular finn du på Sveio kommune si heimeside.
Som tilsett er du pålagt å handle om du opplever ei bekymring knytta til eit barn. Det kan vere livssituasjon, familieliv, helse, trivsel på skule og likande som kan ha innverknad på barnet.
Benytt deg av BTI-rettleiaren for å sikra riktig framgang i situasjonen etter modellen.
